💧 مش دايمًا الحل كبير… ساعات بيبدأ بحاجة صغيرة جدًا
مش لازم تعمل خطة تغيير حياتك كلها يمكن أول خطوة تبقى فنجان قهوة هادي أو دقيقة تسمع فيها أغنيتك المفضلة من غير تفكير
جيل دايمًا بيسابق الوقت… بس مين قال إن السرعة إنجاز
كلنا بنجري بس مفيش حد قال إنك لازم توصل قبل الكل الراحة مش ضعف دي لحظة بتفوّقك على نفسك
🫂جرب تتكلم مع نفسك بلُطف بدل “أنا مش كفاية” قول “أنا بتعلّم” بدل “لسه مش هناك” قول “بس ماشي في طريقي” الكلمات دي بسيطة… بس بتغيّر الإحساس بالكامل
مش لازم كل يوم يبقى مثالي في أيام مشي، وأيام هدوء وفي لحظات صغيرة تستحق الامتنان ضحكة، رسالة، شمس داخلة من الشباك كلها تفاصيل بتفكرنا إننا لسه عايشين بوعي
يمكن كل اللي محتاجه… نفس عميق نفس واحد يرجعك لنفسك ويفكرك إنك تمام زي ما أنت 🌤️
د.مريم جمعة أخصائي اجتماعي متخصصة في الدعم النفسي ماجستير في علم النفس التغيير مش دايمًا صعب أوقات بيبدأ بـ “لحظة سكون” 🌼
